"Порту" дарвозабони Диогу Кошта "Манчестер Сити"нинг трансфер мақсадига айланди. Англия гранди "Галатасарой"га кетиши мумкин бўлган Эдерсонга ўринбосар излашда давом этмоқда. "Maisefutebol" хабарига кўра, "шаҳарликлар" "аждарлар" дарвозабони учун бонусларни ҳисобга олган ҳолда 60 млн евро таклиф қилишга тайёр.
"Манчестер Сити" рақобатдан қочиш учун 25 ёшли португалиялик учун келишувни имкон қадар тезроқ амалга оширмоқчи. Португалия терма жамоаси аъзосига "ПСЖ" ҳам қизиқиш билдирмоқда.
Нуфузли Transfermarkt портали экспертлари Диогу Кошта нархини 40 млн еврога баҳоламоқда. Унинг амалдаги меҳнат шартномаси 2027 йилнинг ўрталарига қадар мўлжалланган.
