"Интер Майами" ҳужумчиси Лионель Месси яна МЛСда турнинг энг яхши футболчиси деб топилди. 38 ёшли аргентиналик футболчи "Нью-Йорк Ред Буллз"га қарши ўйинда иккита гол урди ва битта голли узатмани амалга оширди ва бу ўйинда "Интер" 5:1 ҳисобида ғалаба қозонди.
Месси жорий мавсумда бешинчи марта турнинг энг яхши футболчиси унвонига сазовор бўлди. Лионель Месси МЛС-2025нинг 18 та ўйинида 18 та гол урди - у "Нэшвилл" вакили Сэм Сарридж билан тўпурарлар пойгасида биринчи ўринни бўлишиб турибди.
"Интер Майами" 21 турдан сўнг 41 очко тўплади ва Шарқий конференция турнир жадвалида бешинчи ўринда бормоқда. "Цинциннати" 24 учрашувдан кейин 48 очко жамғарган ҳолда пешқадамликни сақлаб қолди.
