«Динамо» жамоаси мавсумнинг иккинчи қисмига Беларусда пухта тайёргарлик кўриб, ўз таркибини кучайтиришда давом этади.
Мавсумнинг дастлабки қисмини «Сурхон» клубида ўтказган Дмитрий Плетнёв эркин агент сифатида «Динамо» сафига қўшилди. Суперлиганинг энг яхши ярим ҳимоячиларидан бири билан 1,5 йиллик шартнома имзоланди. Россиялик 27 ёшли яримҳимоячи жамоанинг Беларусдаги машғулотларига келиб қўшилди.
Санкт-Петербургнинг «Зенит» клуби тарбияланувчиси саналмиш Плетнёв Россия ўсмирлар жамоаси сафида ЖЧ-2015да иштирок этган. Шунингдек, у Россиянинг «Зенит», «Томь», «Балтика», Қозоғистоннинг «Атирау», Беларуснинг «Арсенал» ва сўнгги икки мавсум давомида Термизнинг «Сурхон» жамоаси шарафини ҳимоя қилиб келаётганди.
