Англиялик собиқ футболчи, ҳозирда эксперт Гари Линекер Маркус Рэшфорднинг "Манчестер Юнайтед"дан "Барселона"га ўтаётганига муносабат билдирди.
"У ажойиб ўйинчи. Сўнгги йилларда "Манчестер Юнайтед"да унга қийинчиликлар бўлди, лекин у жуда истеъдодли. У жуда тез ва жуда чаққон ўйинчи, шунингдек яхши инсон. Умид қиламанки, у ўз даражасини кўрсатади. Ҳозир кўп ўйинлар бор ва фақат бошланғич таркибдаги 11 футболчидан кўпроқ ўйинчилар керак. Маркус жуда истеъдодли ўйинчи ва менимча, у "Барcелона" учун қимматли қўшимча бўлади. Албатта, кейин нима бўлишини ҳеч ким билмайди, лекин мен уни "Барcелона"да кўриб жуда хурсандман. У менинг яхши дўстим", - деди Линекер.
