Вингер Брайан Мбеумо "Манчестер Юнайтед" тарихидаги еттинчи энг қиммат трансферга айланди.

25 ёшли футболчи душанба куни расман "қизил иблислар" сафига ўтди, бунгача у "Брентфорд" шарафини ҳимоя қилган. Битим қиймати 75 млн еврога баҳоланмоқда - ўз вақтида Мадриднинг "Реал" клубидан ўтган Анхель ди Мария учун ҳам шунча пул тўланган. Манкунианликлар бундан ҳам кўпроқ маблағни фақатгина Расмус Хёйлунд ("Аталанта," 77,8 млн), Ромелу Лукаку ("Эвертон," 84,7 млн), Жэйдон Санчо ("Боруссия" Дортмунд, 85 млн), Харри Магуайр ("Лестер," 87 млн), Антони ("Аякс," 95 млн) ва Поль Погба ("Ювентус," 105 млн) учун сарфлаган.

Брайан Мбемо "МЮ" билан яна бир йилга автоматик равишда узайтириш имконияти билан беш йиллик шартнома имзолади.