Лондоннинг "Арсенал" клуби бош мураббийи Микель Артета Премьер-лигадаги рақобат даражаси ҳақида гапириб, чемпионлик учун кураш мавсумдан-мавсумга кескинлашиб бораётганини таъкидлади.
"Бу лигада олти, етти, ҳатто саккизта клуб ғолиблик учун курашиш учун ҳамма нарсага эга, аммо соврин охир-оқибат фақат биттасига насиб этади. Шунинг учун биз ўзимизга боғлиқ бўлган нарсаларга, нимани назорат қила олишимизга ва мавсум охирида қўйган мақсадимизга қандай яқинлашишимиз мумкинлигига эътибор қаратишимиз керак," - деди испаниялик мутахассис матбуот анжуманида.
Якунланган 2024/25 йилги мавсумда "Арсенал" АПЛ турнир жадвалида иккинчи ўринни эгаллади.
