Флоренцияда қарийб ўн йил давомида "Фиорентина" шарафини ҳимоя қилган собиқ футболчи Селеста Пин 64 ёшида вафот этди.
Бу ҳақда La Gazzetta dello Sport хабар бермоқда. Манбанинг аниқлик киритишича, собиқ ҳимоячининг жасади унинг уйидан қариндоши томонидан топилган. Полиция текширувни бошлади. Кўриб чиқилаётган сабаблар орасида эҳтимолий ўз жонига қасд қилиш версияси ҳам бор, аммо бошқа ҳолатлар ҳам истисно қилинмайди.
Пин клубда тўққиз мавсум давомида 200 дан ортиқ ўйин ўтказди. 1984 йилда Италия ёшлар терма жамоаси таркибида Европа чемпионатининг бронза медалларини қўлга киритди. 2022 йилда у "бинафшаранглилар" тарихига қўшган ҳиссаси учун расман клуб шон-шуҳрат залига киритилди.
