"Манчестер Сити" ҳимоячиси Жон Стоунс Премьер-лигада жамоасини ўзгартиришга яқин турибди. Унинг собиқ клуби "Эвертон" англиялик футболчини ўз сафига қўшиб олмоқчи.
Ливерпуль шаҳри клуби Стоунз масаласида "Манчестер Сити" билан музокара бошлашга тайёргарлик кўрмоқда. "Шаҳарликлар" клуб билан 1 йиллик шартномаси қолган 30 ёшли марказий ҳимоячининг жамоадан кетишига қаршилик қилмайди.
Эслатиб ўтамиз, "Манчестер Сити" Жон Стоунзни 2016 йилнинг августида "Эвертон"дан сотиб олган эди. Тажрибали футболчи бу мавсумда жамоа сафида майдонга тушган 20 та расмий ўйинда 3 та гол ва 2 та ассистни ўз ҳисобига ёздириб қўйди.
