"Ливерпуль" ва Франция терма жамоасининг собиқ ҳужумчиси Джибриль Сиссе ҳужумчи Уго Экитикенинг Англияга мослашиши ҳақида гапирди.
"Ўйлайманки, у "қизиллар"нинг ўйин услубига мослашади. Унинг услуби ҳисобга олинса: голга интилувчан, у бироз Питер Краучга ўхшаб кетади. Мураббий бундан фойдалана олади. Балки биз уни бошиданоқ асосий таркибда ўйнашини кутмаслигимиз керак, чунки уларда Муҳаммад Салоҳ бор ва баъзи ажойиб ўйинчилар олдинда ҳужумга ўрганиб қолишган", - дейди Сиссе.
Ўтган мавсумда 23 ёшли форвард барча турнирлар доирасида 48 та ўйинда қатнашиб, 22 та гол урди ва 12 та голли узатмани амалга оширди.
