Россия терма жамоасининг собиқ ҳужумчиси Павел Погребняк ЦСКАдан Туркиянинг "Истанбул Башакшеҳир" клубига ўтадиган Аббосбек Файзуллаевнинг трансфери ҳақида гапирди.
"Аббоснинг ўзига келсак, у Туркия чемпионати орқали порламоқчи ва ўзини жиддийроқ чемпионатда синаб кўрмоқчи. Бу ерда ҳаммаси аниқ кўриниб турибди", - деди Погребняк "РБ Спорт" нашрига.
Эслатиб ўтамиз, Аббосбек ЦСКА сафида деярли роппа-роса икки йилдан буён тўп тепиб келмоқда. "Ҳарбийлар" таркибида у Россия чемпионатининг бронза медали совриндори, Россия кубоги ва Суперкубоги соҳиби бўлди.
