Англиянинг "Вест Хэм" клуби ҳужумчи Каллум Уилсоннинг вакиллари билан футболчининг эҳтимолий трансфери бўйича музокараларни бошлади. Бу ҳақда Sky News хабар бермоқда.
33 ёшли Уилсон "Ньюкасл" билан шартномаси тугаганидан кейин эркин агентга айланди. Ҳозир унинг "болғачилар" билан келишуви муддати қизғин муҳокама қилинмоқда.
Уилсон сўнгги 5 йил давомида "Ньюкасл"да ўйнаган ва барча мусобақаларда 130 та ўйинда майдонга тушган. У бу вақт ичида 49 та гол урди ва 11 та голли узатмани амалга оширди.













