"Тоттенхэм" бош мураббийи Томас Франк жамоа сардори Сон Хён Мин билан учрашув ўтказади.

Ҳужумчининг келажаги ноаниқлигича қолмоқда: у ҳозирги трансфер ойнасида кетиши мумкин - амалдаги шартнома келаси ёзда тугайди. Инсайдер Фабрицио Романонинг ёзишича, тез орада "шпорлар" етакчиси Франк жанубий кореялик футболчи билан учрашиб, юзма-юз мулоқотда вазиятга ойдинлик киритади.

Сонда МЛСда ўйнайдиган "Лос-Анжелес"дан таклиф бор. 33 ёшли футболчи розилик билан жавоб беришга шошилмаяпти, музокаралар эрта бошланган.

Эслатиб ўтамиз, Сон 2015 йилдан буён "Тоттенхэм" шарафини ҳимоя қилиб келмоқда. У лондонликлар сафида 454 та ўйинда майдонга тушиб, 173 та гол ва 101 та голли узатмани амалга оширган.