"Tottenxem" bosh murabbiyi Tomas Frank jamoa sardori Son Xyon Min bilan uchrashuv o‘tkazadi.

Hujumchining kelajagi noaniqligicha qolmoqda: u hozirgi transfer oynasida ketishi mumkin - amaldagi shartnoma kelasi yozda tugaydi. Insayder Fabrisio Romanoning yozishicha, tez orada "shporlar" yetakchisi Frank janubiy koreyalik futbolchi bilan uchrashib, yuzma-yuz muloqotda vaziyatga oydinlik kiritadi.

Sonda MLSda o‘ynaydigan "Los-Anjeles"dan taklif bor. 33 yoshli futbolchi rozilik bilan javob berishga shoshilmayapti, muzokaralar erta boshlangan.

Eslatib o‘tamiz, Son 2015 yildan buyon "Tottenxem" sharafini himoya qilib kelmoqda. U londonliklar safida 454 ta o‘yinda maydonga tushib, 173 ta gol va 101 ta golli uzatmani amalga oshirgan.