"Вильярреал" Миланнинг "Интер" клуби ўнг қанот ҳимоячиси Тажон Бушананнинг трансферини якунламоқда.
Томонлар 26 ёшли футболчининг трансфер шартлари бўйича деярли келишиб олишган, деб хабар беради TSN Sports. Бугун, пайшанба куни клублар ўртасида навбатдаги музокаралар бўлиб ўтади. Канадалик футболчи мавсумолди тайёргарлигини "нерадзуррилар" таркибида бошлайди, аммо жамоада қолиши даргумон.
Тажон Бушанан ўтган мавсумнинг иккинчи қисмини ижара асосида "Вильярреал"да ўтказди. Футболчи "сариқ сувости кемаси" сафида 13 та ўйинда майдонга тушиб, битта гол урган ва иккита голли узатмани амалга оширган. Вингер сифатида ҳам ўйнай оладиган қанот ҳимоячисининг transfermarkt порталидаги нархи 6 млн еврога баҳоланмоқда.
