"Манчестер Юнайтед" "Челси" форварди Кристофер Нкункуга даъвогарлик қилмоқда.
"Кўклар" франциялик футболчини жорий трансферлар даврида сотиб юборишни мўлжалламоқда, 27 ёшли футболчининг ўзи ҳам ўйин амалиёти етишмаслиги сабабли жамоани тарк этмоқчи. Нкункунинг трансферига "қизил иблислар" қизиқиш билдирмоқда, TEAMtalk хабарига кўра, улар ўз вингери Алехандро Гарначони трансферга қўшишга тайёр. 21 ёшли аргентиналик футболчи билан ҳам вазият шунга ўхшаш: у "МЮ"нинг режаларига кирмайди ва "Челси" анчадан бери даъвогарлардан бири сифатида тилга олинади.
Кристофер Нкунку учун курашда "Бавария" ҳам иштирок этмоқда. Transfermarkt сайтидаги футболчининг нархи - 35 млн евро, Алехандро Гарначонинг нархи - 45 млн.
