"Пари Сен-Жермен" "Борнмут" ҳимоячиси Илья Забарний трансферини расмийлаштиришга жуда яқин келди.
Нуфузли L’Equipe нашрининг хабар беришича, клублар ўртасидаги музокаралар якуний босқичга ўтган. Манбага кўра, украиналик марказий ҳимоячи келгуси мавсум учун мудофаанинг асосий кучайтирувчиси сифатида кўрилмоқда. Томонлар аллақачон келишув шартларини деярли келишиб олишган, парижликларда эса музокараларнинг муваффақиятли якунланишига нисбатан юқори даражадаги оптимизм сақланиб қолмоқда. Трансфер қийматининг якуний тафсилотлари келишилмоқда.
Аввалроқ, "ПСЖ" футболчи учун тахминан 60 млн евро таклиф қилгани маълум бўлганди, аммо "Борнмут" футболчи учун 70 млн евро атрофида маблағ сўраганди. Юзага келган танаффусдан кейин жараённи тезлаштириш учун вазиятга шахсан француз клуби президенти Носир Ал-Хелаифий аралашди.
