"Барселона"нинг янги аъзоси Маркус Рэшфорд клубда нималарга эришмоқчилиги ҳақида гапирди. Англиялик футболчи чоршанба куни "Манчестер Юнайтед"дан ижара асосида "кўк-анорранглилар" сафига қўшилди.
"Барселона" билан Чемпионлар Лигасида ғолиб чиқишни орзу қиламан. Ўтган мавсумда жамоа бу мақсадга эришишга яқин эди. Мен "Барса"га бунга эришишда ёрдам бериш учун бу ердаман," - дея Рэшфорднинг сўзларини келтиради Managing Barca.
Эслатиб ўтамиз, каталонияликлар Чемпионлар лигасининг ўтган мавсумида ярим финалга қадар етиб борган ва икки ўйинлик қарама-қаршилик натижасига кўра Миланнинг "Интер" клубига 6:7 ҳисобида имкониятни бой берган эди.
