30 ёшли ҳужумчи Карлос Винисиус расман "Гремио" футболчисига айланди. Бу ҳақда Порту-Алегри клуби матбуот хизмати хабар берди.
Тажрибали ҳужумчи Англиянинг "Фулхэм" клуби билан шартномасини бекор қилганидан сўнг жамоага эркин агент сифатида ўтди. "Гремио" билан келишув 2026 йил охиригача мўлжалланган.
Винисиус европалик мухлисга яхши таниш: у фаолияти давомида "Монако", "Наполи", ПСВ, "Тоттенхэм", "Бенфика" ва "Галатасарой" клубларида ўйнашга улгурган. Энди бразилиялик футболчи мамлакатнинг етакчи клубларидан бирининг ҳужум чизиғини кучайтириш учун ўз чемпионатига қайтмоқда.
