"РБ Лейпциг" ҳужумчиси Беньямин Шешко трансфер ойнаси ёпилгунга қадар ҳам клубни тарк этиши мумкин.
22 ёшли футболчи ва "қизил буқалар" раҳбарияти ўртасида келишув бор: агар харидор камида 80 млн евро таклиф қилса ва словенияликнинг ўзи битимдан манфаатдор бўлса, унинг кетишига тўсқинлик қилинмайди. Айни пайтда талабни фақат Саудия Арабистони чемпионати вакиллари қондиришга тайёр, аммо форвард Европада қолишни истамоқда.
Беньямин Шешкога даъвогарлар қаторида "Манчестер Юнайтед", "Арсенал" ва бошқа Европа грандлари тилга олинди. Transfermarkt портали футболчининг нархини 70 млн еврога баҳоламоқда.
