"Ньюкасл"нинг швециялик ҳужумчиси Александр Исакнинг тақдири клуб директорлар кенгаши раиси ва Саудия Арабистони суверен жамғармаси (PIF) раҳбари Йосир Ал-Румайян қўлида, деб хабар беради Telegraph Football.
Манбага кўра, Европа грандлари, жумладан, "Ливерпуль" ва Саудия Арабистони клублари қизиқиши ортиб бораётганига қарамай, "Ньюкасл" қатъий позицияда: Исак узоқ муддатли лойиҳанинг энг муҳим элементи бўлиб қолмоқда ва трансферга қўйилмаган.
Футболчининг ўзи аввалроқ амалдаги келишувни узайтиришдан бош тортган, бу эса унинг кетиши ҳақидаги миш-мишларни янада кучайтирган.
