"Ювентус" "Челси"нинг вингер Кенан Йилдиз трансфери бўйича таклифини рад этди, дея хабар бермоқда La Gazzetta dello Sport.
Манбага кўра, Лондон клуби 20 ёшли хавбек учун 65-68 миллион евро тўлашга тайёр эди, аммо туринликлар туркиялик футболчини сотишни режалаштирмаяпти.
Йилдиз 2022 йилнинг ёзида "Бавария"дан эркин агент сифатида "Ювентус"га ўтганди. Унинг Италия клуби билан амалдаги шартномаси 2029 йилнинг июнь ойи охиригача мўлжалланган. 2024/25 йилги мавсумда футболчи барча мусобақаларда 52 та ўйин ўтказиб, 12 та гол урган ва 9 та голли узатмани амалга оширган.
Transfermarkt портали футболчининг нархини 50 миллион еврога баҳоламоқда.
