Маълумотларга кўра, "Барселона"да янги биринчи сардор сайланиши кутилмоқда. Каталония клуби дарвозабон Марк-Андре тер Штегеннинг жарроҳлик амалиётидан сўнг сафга қайтиши узоқ вақт талаб этиши ва унинг хулқ-атвори сабабли, ундан сардорлик боғичини олишга қарор қилгани ҳақида хабар тарқалди.
"Барселона"нинг захира сардорлари рўйхатига Рональд Араухо, Френки де Йонг, Педри ва Рафинья киритилган. Айнан шу тўрт футболчи янги биринчи сардор мақомига асосий даъвогарлар ҳисобланади.
Шунингдек, "Mundo Deportivo" нашри Иньиго Мартинес, Роберт Левандовски, Ферран Торрес ва Ламин Ямални ҳам кучли номзодлар сифатида тилга олган.
"Барса" бош мураббийи Ханс-Дитер Флик сардорни ўзи танлаши ёки жамоа аъзолари орасида овоз бериш ўтказиши кераклиги ҳақида қарор қабул қилиши лозим.
