Ҳужумчи Уго Экитике "Айнтрахт"дан "Ливерпуль"га ўтди. Франциялик футболчи ўз трансферига изоҳ берди.
"Мен бундан жуда фахрланаман. Бу жуда катта клуб. Ҳаяжондаман, худди ёш болага ўхшайман. Мен АПЛда ўйнашни орзу қилардим ва "Ливерпуль"да ўйнаш жуда ёқимли туйғу. Ўйнашни ва совринлар ютишни сабрсизлик билан кутаман.
Менимча, бу трансфер учун тўғри пайт. Бундеслигага муваффақиятга чанқоқлик билан келдим ва яхши футболчи эканлигимни кўрсатмоқчи эдим. Ўтган мавсумда яхши ҳаракат қилдим, деб ўйлайман. Энди мен яна бир қадам олдинга силжишга ва энг юқори даражада чиқиш қилишга тайёрман. Ривожланиб, нималарга қодир эканлигимни кўраман. Бу ерда бўлиш учун айни муддао," - деб Экитикенинг сўзларини келтиради "Ливерпуль" сайти.
