Hujumchi Ugo Ekitike "Ayntraxt"dan "Liverpul"ga o‘tdi. Fransiyalik futbolchi o‘z transferiga izoh berdi.
"Men bundan juda faxrlanaman. Bu juda katta klub. Hayajondaman, xuddi yosh bolaga o‘xshayman. Men APLda o‘ynashni orzu qilardim va "Liverpul"da o‘ynash juda yoqimli tuyg‘u. O‘ynashni va sovrinlar yutishni sabrsizlik bilan kutaman.
Menimcha, bu transfer uchun to‘g‘ri payt. Bundesligaga muvaffaqiyatga chanqoqlik bilan keldim va yaxshi futbolchi ekanligimni ko‘rsatmoqchi edim. O‘tgan mavsumda yaxshi harakat qildim, deb o‘ylayman. Endi men yana bir qadam oldinga siljishga va eng yuqori darajada chiqish qilishga tayyorman. Rivojlanib, nimalarga qodir ekanligimni ko‘raman. Bu yerda bo‘lish uchun ayni muddao," - deb Ekitikening so‘zlarini keltiradi "Liverpul" sayti.
