Испан матбуотининг хабар беришича, дарвозабон Жоан Гарсиянинг агенти - Хуанма Лопес бир кун аввал "Барселона" спорт директори Деку билан учрашув ўтказган.
Sport.es хабарига кўра, музокараларнинг асосий мавзуси футболчининг янги мавсум учун расмий рўйхатдан ўтишини расмийлаштириш бўлган. Эслатиб ўтамиз, "Барселона" сўнгги ойларда бир неча бор шунга ўхшаш қийинчиликларга дуч келди - аввалроқ клуб узоқ вақт давомида яримҳимоячи Дани Ольмони рўйхатдан ўтказа олмай, унинг жамоада қолишини хавф остига қўйганди.
Жоан Гарсия июнь ойида "Эспаньол"дан 25 млн евро эвазига "кўк-анорранглилар" футболчисига айланганди. 2024/25 йилги мавсумда 24 ёшли дарвозабон Испания чемпионатида 38 та ўйин ўтказиб, улардан саккизтасида дарвозаси дахлсизлигини сақлаб қолди.
