Англиянинг "Манчестер Юнайтед" клуби камерунлик дарвозабони Андре Онана жамоа машғулотларига қайтди. Бу ҳақда клуб матбуот хизмати хабар бермоқда.
Жойланган суратларда жароҳатдан сўнг майдонга қайтган дарвозабонни кўриш мумкин. Яқиндагина Онана 2 ойгача сафдан чиққани айтилганди, аммо икки ҳафта бўлмасидан у сафга қайтди.
Ўтган мавсумда унчалик барқарор ўйин кўрсатмаган футболчи ҳозирча "МЮ"да қолмоқда. Манчестер клубининг Эмилиано Мартинесни ўз сафига қўшиб олишга уринишлари муваффақиятсиз тугади, Онананинг ўзи жамоада қолишни хоҳлади.
У ўтган мавсумда 50 та ўйинда 65 та гол ўтказиб юборди ва 12 бор дарвозаси дахлсизлигини сақлаб қолди.
