"Ал-Ҳилол" Александер Исакга ҳафтасига 600 минг фунт таклиф қилди.

Аввалроқ, 25 ёшли ҳужумчи "Ньюкасл" раҳбариятига фаолиятини бошқа клубда давом эттириш вариантларини кўриб чиқиш истагини билдиргани маълум бўлганди. "Ливерпуль" Уго Экитикени ўз сафига қўшиб олганига қарамай, унга қизиқиш билдирмоқда. Футболчининг ўзи Мерсисайд клубига ўтишга тайёр ва таклиф бўлса, хурсанд бўлади.

The Guardian хабарига кўра, "Ал-Ҳилол" форвардга ҳафтасига 600 минг фунтлик шартнома таклиф қилган. Ушбу сумма солиқлардан ташқари. Бундан ташқари, қўшимча фойдали бонуслар кўзда тутилган.

Қайд этилишича, "Ливерпуль" Саудия клуби таклиф қилган шахсий шартларни таклиф қила олмайди. Шунингдек, "қизиллар" тахминан 120 млн фунтга баҳоланаётган Исакнинг трансфер пулини тўлай олиш-олмаслиги ҳам ҳозирча номаълум.

"Ньюкасл"да футболчи 120 минг фунт олади.