Трент Александр-Арнольд ўзининг ҳужумкор маҳорати билан машҳур, аммо ҳимоявий ўйинларда ҳаммаси у даражада силлиқ эмас. Diario Que нашрининг ёзишича, юлдуз англиялик футболчи "Реал"да ишончни оқлай олмаяпти. "Қаймоқранглилар" мураббийлар штаби 26 ёшли футболчининг ҳимоядаги ҳаракатларидан хавотирда.
Александр-Арнольд клублар ўртасидаги жаҳон чемпионатида Хаби Алонсо жамоаси сафида бешта ўйинда майдонга тушиб, иккита голли узатмани амалга оширди. Жамоа турнирнинг ярим финалига қадар етиб борди ва у ерда "ПСЖ"га 0:4 ҳисобида ютқазди.
"Ливерпуль" тарбияланувчисининг трансфери мадридликларга атиги 10 млн еврога тушди, чунки унинг "қизиллар" билан шартномаси июнь ойи охирида тугар эди.
