"Манчестер Юнайтед" бош мураббийи Рубен Аморим "Вест Хэм"га қарши мавсумолди ўйинида ҳужумчи Расмус Хёйлунднинг ҳаракатларидан мамнун.
Учрашув шанбадан якшанбага ўтар кечаси бўлиб ўтди ва "қизил иблислар"нинг 2:1 ҳисобидаги ғалабаси билан якунланди. Манкунианликлар сардори Бруну Фернандеш дубль қайд этди. Даниялик ҳужумчи ўйинни асосий таркибда бошлади ва 66-дақиқагача ўйнади.
"Менга Расмуснинг ўйини жуда ёқди: унинг югуриши, яккакурашларда иштироки, жамоадошлари билан ўзаро муносабати. У ажойиб иш қилди," - деди португалиялик мутахассис матбуот анжуманида.
Расмус Хёйлунд Премьер-лиганинг ўтган мавсумида 32 та ўйинда 4 та гол урган.
