Истанбулнинг "Галатасарой" клуби "Реал"нинг украиналик дарвозабони Андрей Лунин билан музокара ўтказмаган ва ўтказмаяпти.
Бу ҳақда турк жамоаси бош мураббийи Окан Бурук маълум қилди ва клуб дарвозабон қидираётгани, аммо Лунинга умид қилмаётганини тасдиқлади.
"Бошқа вариантлар кўп, биз бу борадаги ишларни давом эттирмоқдамиз," - дея Бурукнинг сўзларини келтиради Sporx.
Аввалроқ, Лунин янги жамоасида асосий дарвозабон бўлиш шарти билан "Реал"ни тарк этишга тайёрлиги, аммо ҳеч ким унга бундай кафолат бермагани ҳақида хабарлар тарқалган эди.
2024/2025 йилги мавсумда украиналик футболчи барча клуб турнирларида 14 та ўйин ўтказиб, 19 та гол ўтказиб юборган.













