Istanbulning "Galatasaroy" klubi "Real"ning ukrainalik darvozaboni Andrey Lunin bilan muzokara o‘tkazmagan va o‘tkazmayapti.

Bu haqda turk jamoasi bosh murabbiyi Okan Buruk ma’lum qildi va klub darvozabon qidirayotgani, ammo Luninga umid qilmayotganini tasdiqladi.

"Boshqa variantlar ko‘p, biz bu boradagi ishlarni davom ettirmoqdamiz," - deya Burukning so‘zlarini keltiradi Sporx.

Avvalroq, Lunin yangi jamoasida asosiy darvozabon bo‘lish sharti bilan "Real"ni tark etishga tayyorligi, ammo hech kim unga bunday kafolat bermagani haqida xabarlar tarqalgan edi.

2024/2025 yilgi mavsumda ukrainalik futbolchi barcha klub turnirlarida 14 ta o‘yin o‘tkazib, 19 ta gol o‘tkazib yuborgan.