"Манчестер Юнайтед" бош мураббийи Рубен Аморим мавсумолди учрашувида "Вест Хэм" устидан қозонилган ғалабадан (2:1) кейин ҳужумчи Матеус Куньянинг ўйинини эътироф этди.
"Қизил иблислар" Бруну Фернандешнинг дубли эвазига рақибидан устун келди. Кунья ўйинни асосий таркибда бошлади ва 66-дақиқагача ўйнади, шундан сўнг у Мэйсон Маунтга алмаштирилди.
"Кунья бизга катта ёрдам бериши мумкин - у тўп билан ажойиб ҳаракатларни амалга оширади. Бу ўтган мавсумда бизга етишмаганди," - деди Аморим ўйиндан кейин ОАВга берган интервьюсида янги келган футболчи ҳақида.
Матеус Кунья "Манчестер Юнайтед"га ёз бошида "Вулверхэмптон"дан кўчиб ўтганди. Бразилиялик футболчи манкунианликларга 74 млн еврога тушган.
