Миланнинг "Интер" клуби марказий ҳимоячиси Бенжамен Павар клубни тарк этиши мумкин. "Нерадзуррилар" раҳбарияти муносиб таклиф тушса, ёзда футболчини сотишга розилик беришга тайёр, дея хабар бермоқда журналист Николо Скира. 29 ёшли французнинг амалдаги шартномаси 2028 йилнинг ярмигача мўлжалланган бўлиб, унинг трансфер нархи Transfermarkt талқинига кўра 25 млн еврони ташкил этади.
Бенжамен Павар 2023 йилнинг августида "Бавария"дан 30 млн евродан кўпроқ маблағ эвазига "Интер"га ўтганди. Футболчи миланликлар жамоаси сафида барча мусобақаларда жами 69 та ўйин ўтказиб, 1 та гол ва 4 та голли узатмани ўз ҳисобига ёздириб қўйган.
