Milanning "Inter" klubi markaziy himoyachisi Benjamen Pavar klubni tark etishi mumkin. "Neradzurrilar" rahbariyati munosib taklif tushsa, yozda futbolchini sotishga rozilik berishga tayyor, deya xabar bermoqda jurnalist Nikolo Skira. 29 yoshli fransuzning amaldagi shartnomasi 2028 yilning yarmigacha mo‘ljallangan bo‘lib, uning transfer narxi Transfermarkt talqiniga ko‘ra 25 mln yevroni tashkil etadi.
Benjamen Pavar 2023 yilning avgustida "Bavariya"dan 30 mln yevrodan ko‘proq mablag‘ evaziga "Inter"ga o‘tgandi. Futbolchi milanliklar jamoasi safida barcha musobaqalarda jami 69 ta o‘yin o‘tkazib, 1 ta gol va 4 ta golli uzatmani o‘z hisobiga yozdirib qo‘ygan.
