"Марсель" бош мураббийи Роберто де Зерби ҳужумчи Пьер-Эмерик Обамеянгни тез орада сотиб олиши ҳақидаги саволга жавоб берди.
Шанба куни провансликлар "Жирона" билан ўртоқлик учрашуви ўтказди ва 2:0 ҳисобида ғалаба қозонди. Ўйин тугагач, журналистлар француз жамоасининг италиялик мураббийидан Обамеянгнинг қайтиши ҳақида сўрашди.
"Обамеянгга қўнғироқ қилдимми? Йўқ, лекин мен унга хабар юбордим. Ўтган йили у менинг розилигимсиз кетди, энди унинг қайтишини кутяпман. Бу биз учун яхши келишув," - дея де Дзербининг 36 ёшли габонлик футболчи ҳақидаги фикрларини келтиради L’Equipe.
Пьер-Эмерик Обамеянг 2024 йилнинг июлида "Ал-Қодисия"га ўтганди. Ўтган ҳафтада форвард Саудия клуби билан шартномасини бекор қилди ва эркин агентга айланди.
