"Барселона" форварди Роберт Левандовски испан ОАВларига берган интервьюсида мавсум якунида клубни тарк этиши мумкинлиги ҳақида фикр билдирди.

"Билмадим. Бу ёшда мен бундай режалар тузмайман. Мен хотиржамман, ҳозир мавсумдан кейин нима бўлиши муҳим эмас. Асосийси, бу мавсумда нима қилмоқчи эканлигим. Асосийси, мен ичимда, қалбимда ва бошимда нимани ҳис қилаётганим. Хотиржамман. Келинг, аввал бу мавсумда нима бўлишини кўриб чиқайлик," - дея Левандовскининг сўзларини келтиради Sport.es.

Левандовски ўтган мавсумда "Барселона" сафида барча мусобақаларда 52 та ўйинда майдонга тушиб, 42 та гол урган ва 3 та голга ҳаммуаллифлик қилган. Унинг клуб билан шартномаси 2026 йилнинг ёзигача амал қилади ва трансфермаркт маълумотларига кўра, унинг бозор нархи 12 млн еврони ташкил қилади.