Яқиндагина "Милан" устозига айланган Массимилиано Аллегри "россонерилар"нинг "Ливерпуль" устидан қозонган ғалабаси ҳақида гапирди. Ўртоқлик ўйини 26 июль куни Гонконгда бўлиб ўтди ва италияликларнинг ишончли ғалабаси билан якунланди (4:2).
"Ишнинг дастлабки уч ҳафтасида жамоа ўзини қандай кўрсатаётганидан мамнунман. Менга футболчиларнинг фаол ҳаракат қилишга ва рақибга ўз ўйинини ўтказишга ҳаракат қилиши ёқади. Тўп бизда бўлса - вазият яратамиз, йўқ бўлса - тартибли ва ваҳимага тушмасдан ҳимояланамиз," - дея мутахассиснинг сўзларини келтиради Sky Sport Italia.
