"Ал-Ҳилол" ва Сербия терма жамоаси ҳужумчиси Александр Митрович фаолиятини Англияда давом эттириши мумкин - АПЛнинг бир қатор клублари ушбу трансфер ойнасида форвардни ўз сафига қўшиб олмоқчи. Бу ҳақда Caught Offside хабар бермоқда.
Манбага кўра, энг катта қизиқиш "Ньюкасл"дан. Клуб раҳбарияти ҳужум чизиғида Александр Исакга рақобатчи бўлиш учун сербиялик номзодни кўриб чиқмоқда. Шу билан бирга, "Ал-Ҳилол" ўз етакчиси учун камида 30 млн евро ишлаб олмоқчи.
Шунингдек, Митровичга "Тоттенхэм" ва "Манчестер Юнайтед" ҳам қизиқиш билдирмоқда.
Ўтган мавсумда сербиялик марказий ҳужумчи 36 та ўйинда 28 та гол уриб, Саудия клубининг энг яхши тўпурари бўлди. Шунингдек, Митрович еттита голли узатма ҳам берди.
