"Al-Hilol" va Serbiya terma jamoasi hujumchisi Aleksandr Mitrovich faoliyatini Angliyada davom ettirishi mumkin - APLning bir qator klublari ushbu transfer oynasida forvardni o‘z safiga qo‘shib olmoqchi. Bu haqda Caught Offside xabar bermoqda.
Manbaga ko‘ra, eng katta qiziqish "Nyukasl"dan. Klub rahbariyati hujum chizig‘ida Aleksandr Isakga raqobatchi bo‘lish uchun serbiyalik nomzodni ko‘rib chiqmoqda. Shu bilan birga, "Al-Hilol" o‘z yetakchisi uchun kamida 30 mln yevro ishlab olmoqchi.
Shuningdek, Mitrovichga "Tottenxem" va "Manchester Yunayted" ham qiziqish bildirmoqda.
O‘tgan mavsumda serbiyalik markaziy hujumchi 36 ta o‘yinda 28 ta gol urib, Saudiya klubining eng yaxshi to‘purari bo‘ldi. Shuningdek, Mitrovich yettita golli uzatma ham berdi.
