"Манчестер Юнайтед" "Вест Хэм" устидан қозонилган ғалабадан сўнг (2:1) ёзги трансфер кампаниясини фаол давом эттиришдан воз кечиши мумкин. Аввалроқ дарвозабон, ярим ҳимоячи ва ҳужумчи кераклиги ҳақида гапирган бош мураббий Рубен Аморим ҳозирги таркибдан мамнун эканини қайд этди.

Айниқса, Мануэль Угарте, Кобби Майну ва Расмус Хёйлунд уни ҳайратда қолдирди. Угарте ва Майну боғлами майдон марказида уюшқоқлик ва назоратни намойиш этди, Хёйлунд эса гол ура олмаган бўлса-да, ҳужумда керакли фаоллик ва ҳаракатни кўрсатди.

Ҳозирча "МЮ" Матеус Кунья ва Брайан Мбеумо трансфери учун 130 млн фунтдан кўпроқ маблағ сарфлади. Харидларни давом эттириш учун клуб бир қатор футболчилар, жумладан, Гарначо, Санчо, Антони ва Маласиа билан хайрлашиши керак.

Бу орада Аморим: "Мавсумни шу таркиб билан бошласак - мен мамнунман," - дея таъкидлади.