"Ньюкасл" тез орада ҳужумчи Александр Исак трансфери бўйича клубга таклиф тушишига тайёргарлик кўрмоқда. Таклифни 25 ёшли швецияликни анчадан бери кузатиб келаётган "Ливерпуль" бериши кутилмоқда.
"Ливерпуль"нинг яқин орада Исак бўйича эҳтимолий таклифи ҳақида Daily Mail нашри хабар бермоқда. Қайд этилишича, бунга мерсисайдликлар тез орада Луис Диас учун пул олиши ёрдам беради - "Бавария" билан келишув расмийлаштирилишига оз қолди.
Аввалроқ, "Ньюкасл" бош мураббийи Эдди Хау Александр Исак ёзги трансферлар вақтида ҳеч қаерга кетмаслигига умид билдирганди. Швециялик тўпурар нуфузли Transfermarкт портали мутахассислари томонидан 120 миллион еврога баҳоланмоқда.
