Леверкузеннинг "Байер" клуби ҳужумчиси Патрик Шик трансфер бозорида жиддий талабга эга.
29 ёшли футболчини Италиянинг "Милан" ва "Рома", Германиянинг "РБ Лейпциг", Франциянинг "Монако" ва Англиянинг "Вест Хэм" клублари сотиб олмоқчи, деб ёзади "Газета.Ру" журналист Экрем Конурга таяниб. Чехиялик учун курашда "Милан" фаворит ҳисобланади: "россонерилар" спорт директори Игли Таре форвардни ўз сафига қўшиб олиш устида фаол иш олиб бормоқда.
Патрик Шикнинг Transfermarkt порталидаги тахминий нархи - 27 млн евро. Ўтган мавсумда футболчи "Байер" сафида барча мусобақаларда 45 та ўйинда 27 та гол ва битта голли узатмани ўз ҳисобига ёздириб қўйди.













