"Наполи"нинг ўнг қанот ҳимоячиси Жованни ди Лоренцо жамоанинг янги мавсумдаги мақсадлари ҳақида гапирди.
Ўтган мавсумда Антонио Конте жамоаси якуний жадвалда Миланнинг "Интер" клубини 1 очкога ортда қолдириб, А Серия ғолибига айланди.
"Биз янги мавсумни амалдаги чемпион сифатида бошлаймиз ва скудеттони ҳимоя қилиш учун ҳамма нарсани қиламиз. Мақсадимиз шу, лекин биламизки, осон бўлмайди, чунки А Серияда жуда жиддий рақобат бор. Истаганимизга эришиш учун биз жамоавий ва индивидуал даражада муваффақиятга эришишимиз керак," - дея ди Лоренцо сўзларини келтиради Италия ОАВ.
23 август куни "Наполи" Италия чемпионатининг 1-турида "Сассуоло" меҳмони бўлади.
