"Napoli"ning o‘ng qanot himoyachisi Jovanni di Lorenso jamoaning yangi mavsumdagi maqsadlari haqida gapirdi.
O‘tgan mavsumda Antonio Konte jamoasi yakuniy jadvalda Milanning "Inter" klubini 1 ochkoga ortda qoldirib, A Seriya g‘olibiga aylandi.
"Biz yangi mavsumni amaldagi chempion sifatida boshlaymiz va skudettoni himoya qilish uchun hamma narsani qilamiz. Maqsadimiz shu, lekin bilamizki, oson bo‘lmaydi, chunki A Seriyada juda jiddiy raqobat bor. Istaganimizga erishish uchun biz jamoaviy va individual darajada muvaffaqiyatga erishishimiz kerak," - deya di Lorenso so‘zlarini keltiradi Italiya OAV.
23 avgust kuni "Napoli" Italiya chempionatining 1-turida "Sassuolo" mehmoni bo‘ladi.
