Лондоннинг "Челси" клубининг яна икки футболчиси ўйин амалиёти учун "Страсбург"га йўл олади.
19 ёшли дарвозабон Майк Пендерс душанба куни французлар жамоаси қароргоҳига етиб келади, деб хабар бермоқда журналист Фабрицио Романо, тез орада худди шу йўналишда 18 ёшли ҳужумкор ярим ҳимоячи Кендри Паес ҳам келади.
Бельгиялик дарвозабон "Челси"га ўтган йилнинг ёзида "Генк"дан кўчиб ўтганди - трансфер қиймати 20 млн еврони ташкил этганди. Ўтган мавсумни футболчи худди шу "Генк"да ижарада ўтказди.
Паесни Лондон гранди Эквадорнинг "Индепендьенте" клубидан 10 млн еврога сотиб олган, трансфер шу йил ёзда амалга оширилганди.
