"Барселона" вице-президенти лавозимида ишлаб келаётган Рафа Юсте "Ан-Наср"га ўтишга яқин турибди. Журналист Фернандо Полонинг ёзишича, испаниялик функционер Саудия клубининг молиявий жиҳатдан фойдали таклифини қабул қилган. Каталония гранди президенти Жоан Лапорта келишувдан хабардор ва унга тўсқинлик қилмайди.
Юсте 2021 йилнинг баҳоридан бери "Барселона"да ишламоқда, шунингдек, у "кўк-анорранглилар" спорт бўлимини бошқаради.
Ўтган мавсумда каталонияликлар Ла Лига, Испания Кубоги ва маҳаллий Суперкубок ғолиби бўлган бўлса, Чемпионлар Лигасида Ханс-Дитер Флик жамоаси ярим финал босқичига қадар етиб борди.
