"Barselona" vise-prezidenti lavozimida ishlab kelayotgan Rafa Yuste "An-Nasr"ga o‘tishga yaqin turibdi. Jurnalist Fernando Poloning yozishicha, ispaniyalik funksioner Saudiya klubining moliyaviy jihatdan foydali taklifini qabul qilgan. Kataloniya grandi prezidenti Joan Laporta kelishuvdan xabardor va unga to‘sqinlik qilmaydi.
Yuste 2021 yilning bahoridan beri "Barselona"da ishlamoqda, shuningdek, u "ko‘k-anorranglilar" sport bo‘limini boshqaradi.
O‘tgan mavsumda kataloniyaliklar La Liga, Ispaniya Kubogi va mahalliy Superkubok g‘olibi bo‘lgan bo‘lsa, Chempionlar Ligasida Xans-Diter Flik jamoasi yarim final bosqichiga qadar yetib bordi.













