"Тоттенхэм" ҳужумчиси Сон Хён Мин фаолиятини МЛСда давом эттириши мумкин. Жанубий кореялик юлдузнинг трансфер шартлари бўйича келишувга эриша олмаётган "Лос-Анжелес" "шпорлар"нинг 33 ёшли сардорини ўз сафига қўшиб олмоқчи. GiveMeSport хабарига кўра, агар футболчининг ўзи уни Америка клубига қўйиб юборишни сўраса, "Тоттенхэм" ён беришга ва Соннинг нархини 20 миллион фунтга (тахминан 23 миллион евро) туширишга тайёр.
Сон Хён Миннинг амалдаги шартномаси келаси йилнинг ёзида ўз ниҳоясига етади. Ҳужумчи ўн йилдан бери лондонликлар шарафини ҳимоя қилмоқда, шу вақт ичида у 454 та ўйинда майдонга тушиб, 173 та гол урган ва 101 та голли узатмани амалга оширган.
