"ПСЖ" Милан Шкриньярни "Фенербахче"га 10 млн еврога сотади.

Аввалроқ, клублар турк клубида ижара асосида тўп тепган ҳимоячини тўлиқ трансфер қилиш бўйича келишувга эришгани хабар қилинганди. Футболчи мураббий Жозе Моуриньо жамоаси билан 4 йиллик шартнома имзолаши ва ҳар мавсум учун 7,5 млн евро маош олиши айтилганди.

Айни пайтда Парижга қайтган футболчи "ПСЖ" U-21 жамоасида шуғулланмоқда. У клублар ўртасидаги музокаралар бўйича қарорни кутиб, таксида машғулотларга боришга ва меҳмонхонада яшашга мажбур бўлмоқда, деб ёзади L'Equipe.

Бироқ сўнгги соатларда томонлар қиймати 10 млн еврога баҳоланаётган битим ҳақида келишиб олди. "ПСЖ" словак бир ҳафта ичида сотиб юборилиши мумкин, деб ҳисобламоқда.