Дуглас Луисга АПЛнинг учта клуби қизиқиш билдирмоқда.
Corriere dello Sport хабарига кўра, бразилиялик ярим ҳимоячини "Ноттингем Форест", "Эвертон" ва "Вест Хжм" клублари ўз сафига қўшиб олмоқчи, бироқ ҳозирча бу клубларнинг ҳеч бири расмий таклиф билан чиққани йўқ.
"Ювентус" Луисни 40 млн еврога баҳоламоқда - бундай сумма клубга зарар кўрмасликка ёрдам беради. Бундан ташқари, туринликлар хавбекнинг ижара асосида мажбурий сотиб олиш шарти билан кетишини кўриб чиқишга тайёр.
Аввалроқ, "Ювентус" Луисни машғулотларни ўтказиб юборгани учун 40-120 минг евро жаримага тортиши маълум бўлганди. Бразилиялик футболчи ҳалигача клуб қароргоҳига қайтмаган.
